ඉන්ටර්ලොක් සිමෙන්ති ගල් නිෂ්පාදනය

         අලංකාරවත් ලෙස තම ගෙවත්ත‚ මිදුල ක‍‍‍මවත් ‍ෙලස පවත්වා ගැනීමට කැමති අය අද වනවිට ඉන්ටර්ලොක් සිමෙන්ති ගල් භාවිතා කරනු ලබයි. නිතර නිතර පිරිසිදු කිරීමට අවශ්‍ය නොවීමත්‚ සවි කිරීමෙන් පසු ලැබෙන ආකර්ෂණීය පෙනුමත් හේතු කොට ගෙන ඉන්ටර්ලොක් සිමෙන්ති ගල් සඳහා අද යහපත් ඉල්ලුමක් ඇති වී ඇත. ගෙමිදුල් අලංකාරයට පමණක් නොව මංමාවත් අලංකාර අයුරින් පවත්වා ගැනීමටත් අද මෙම ගල් වර්ගය භාවිතා කරනු ලබයි. විවිධ පාටවලින් පමණක් නොව විවිධ හැඩයන්ගෙන් ද මෙම ගල් විශේෂය වෙළඳපොලෙන් ලබා ගැනීමටත් ස්වයං රැකියාවක් ලෙස ඉන්ටර්ලොක් සිමෙන්ති ගල් නිෂ්පාදනය කිරීමටත් හැකියාව ඇත.

අවශ්‍ය අමු ද්‍රව්‍ය

සිමෙන්ති

වැලි

ෂිප් කලු ගල් කුඩු

සිමෙන්ති පාට වර්ග

ෆයිබර් අච්චු

ලිහිසි තෙල් වර්ගයක්

නිෂ්පාදන ක්‍රියාවලිය

පියවර 01 -      

ෆයිබර් අච්චුවල ලිහිසි තෙල් හොඳින් ඇතිල්ලීම. (මෙසේ කරනු ලබන්නේ නිෂ්පාදිත ඉන්ටර්ලොක් ගල් හොඳින් වියලුනු පසු අච්චුවලින් ගලවා ගැනීම පහසුවීමට ය.)

පියවර 02 –

දියකර ගත් පාට වර්ගයක් (සිමෙන්ති ස්වල්පයක් මිශ්‍ර කර) අච්චු වලට වක්කර ගැනීම. (මෙසේ කරන්නේ නිෂ්පාදිත ගල්වල     මුහුණත පෙනුම සඳහා) විනාඩි 15ක් නිෂ්චල තැනක තැබීම.

පියවර 03 –

සිමෙන්ති කොටස් 1ට වැලි කොටස් 2 ද ෂිප් ගල් කුඩු 1-1/2ක් ද මිශ්‍ර කර වතුර ඉතා ස්වල්පයක් යොදා බදාම සකස් කර ගැනීම.

පියවර 04 –

එම බදාම අච්චුවලට  දැමීම. (බදාම අච්චුවලට තද වනසේ දමා වැඩිපුර පවතින බදාම ලී කැබැල්ලක ආධාරයෙන් කපා හැරිය යුතු ය).

දින දෙකක් හෝ තුනක් වි‍යලෙන්නට හැර ගල් අච්චුවෙන් ගලවා ගත යුතු ය. මේ ආකාරයට තමන් අදහස් කරන ප්‍රමාණයට ප්‍රමාණවත් වන ඉන්ටර් ලොක් ගල් නිෂ්පාදනය කර ගත යුතු ය.

ඉන්ටර් ලොක් ගල් ඇතිරීම

• ගල් ඇතිරීමට නියමිත භූමියෙහි මතුපිට පස් අඟල් 2ක් පමණ ඉවත් කළ යුතු ය. ඒ මත වැලි සහ කලු ගල් කුඩු අඟල් 1 1/2 උසට අතුරා අඟල් 1 ට තලා මට්ටම් ලෑල්ලකින් හොඳින් තුනී කළ යුතු ය.

• තුනී කරන ලද පොලොව මත ඉන්ටර් ලොක් ගල් ඇතිරීම කළ හැක. විවිධ පාට ගල් නියමිත මෝස්තරයකට ඇතිරීම කළ යුතු ය.

• ගල් ඇතිරීමෙන්තුරුව කෙලවර බෝඩරය කොන්ක්‍රිට් බීම් එකකින් ස්ථාවර කළ යුතු ය.