කෝඩියල් නිෂ්පාදනය

         වැඩි පිරිසක් සහභාගී වන උත්සව වැනි අවස්ථාවන්වල දී  සංග්‍රහ කටයුතු සඳහා පලතුරුවලින් නිපදවන කෝඩියල් භාවිතා කරණු ලබයි. ක්ෂණික ව පිලියෙල කර ගත හැකි නිසා කෝඩියල් පානයට යහපත් ඉල්ලුමක් පවතී. පෝෂ්‍යදායක බීමක් වන කෝඩියල් සඳහා දේශීය මෙන් ම විදේශීයව ද හොඳ වෙළඳපොලක් ඇත. අන්නාසි‚ වැල්දොඩම්‚ නෙල්ලි‚ දිවුල්‚ අඹ පලතුරුවලින් කෝඩියල් නිෂ්පාදනය කළ හැක.

අවශ්‍ය ද්‍රව්‍ය
පලතුරු යුෂ - 200g                  

සීනි - 200g                  

ජලය - 150g

ස්ට්‍රික් අම්ලය - 01g
පෙක්ටින් අම්ලය - 01   

ග්ලිසරින් (පලතුරු යුෂ හා ජලය වෙන්වීම වැලැක්වීමට) - 01g

නිෂ්පාදන ක්‍රියාවලිය

පියවර 01 - වතුර  ලිප තබා රත්වන විට සීනි ක්‍රමයෙන් එකතු කරන්න.     

පියවර 02 - හොඳින් බ්ලෙන්ඩර් කර ගත් පලතුරු සීනි ද්‍රාවනයට එකතු කරන්න.

පියවර 03 - පෙක්ටින් සහ ස්ට්‍රික් අම්ලය එකතු කරන්න.

පියවර 04 - සෙ.ග්‍රේ. 90 දක්වා රත් කරන්න.    

පියවර 05 - ලිපෙන් බා ගෙන රස සහ වර්ණ කාරක සමග මෙටාබයිසල්පයිට් (0.05 ඉහත අනුපාතයට අනුව-කල්තබා ගැනීම සඳහා) එකතු කරන්න.

සැලකිය යුතු කරුණු

• නිෂ්පාදන ප්‍රමාණය අනුව ඉහත සඳහන් පරිමාන වෙනස් විය යුතු ය. 
• භාවිතා කරන බෝතල් ජීවාණුහරණය කර ගත යුතු ය. 
• අවසන බෝතල්වල අසුරා ලේබල් කර වෙළඳපොලට ඉදිරිපත් කළ හැක.
• මෙටාබයිසල්පයිට් භාවිතාව ඉතා ස්වල්ප ප්‍රමාණයෙන් කළ යුතු ය. 

(පොත පත හා අන්තර් ජාලය ඇසුරිනි.)